.
A directora-xerente de Galicia Calidade, Ana Méndez, asistiu ao acto de entrega de premios do Campionato de España da clase 6mR, celebrado na sede do Real Club Náutico de Sanxenxo.
Coa entrega de premios o Real Club Náutico de Sanxenxo puxo o punto final á novena edición da Regata Rey Juan Carlos – O Corte Inglés Máster, proba que reuniu na ría de Pontevedra a dous centenares de barcos e máis de 400 regatistas durante as tres xornadas que durou a competición, agora, a frota de 6 Metros prepárase para arrincar o Trofeo Xacobeo, que poñerá en xogo o título europeo da clase e disputarase na ría de Pontevedra ata o vindeiro sábado, día 5 de outubro.
Os vencedores da cita foron “Mirfak” en ORC 0-2; “Travesío” en ORC 3-4; “Ronáutica Mariñas” en ORC 5; “Papanatas” en Veteranos; Alejandro Alonso, Alma Chamorro, Emma Pérez-Roig, Diego Fernández e Victoria Piñeiro en Optimist; a tripulación de Nicolás Cons en vela adapatada e “Bribon” do Rey Juan Carlos e “Stella” de Violeta Álvarez en 6 Metros Clásicos e Open.
